Bókaknippi
Skáldskapur, 2018
Í þremur skáldsögum, ljóðabók og smásagnasafni tvinnar Sverrir Norland saman marglaga ástarbréf til íslenskunnar og listarinnar – og ekki síst listsköpunar á íslensku. Sögusviðið er Evrópa og Bandaríkin og söguhetjurnar leitandi fólk, sem tilheyrir smáþjóð, talar örtungu og lifir í heimi sem verður sífellt samtengdari, rótlausari og alþjóðlegri.
Bækurnar eru Fallegasta kynslóðin er alltaf sú sem kemur næst, Hið agalausa tívólí, Manneskjusafnið, Erfðaskrá á útdauðu tungumáli og Heimafólk.
Lesendur um bókaknippi
Ein af áhugaverðustu og skemmtilegustu útgáfum þessarar bókavertíðar ...
Einar Falur Ingólfsson, Morgunblaðinu
Ljóðin [í Erfðaskrá á útdauðu tungumáli] töluðu til mín á sterkari hátt en nokkur önnur ljóðabók hefur náð að gera.
Katrín Lilja, Lestrarklefanum
Hún náði mér alveg á sitt band. Mér fannst hún listilega löguð og formuð […], svona lítil perla.
Sunna Dís Másdóttir, Kiljunni
Í [nóvellunum] nýtur alvöruþrunginn léttleiki og kvíðablandin bjartsýni Sverris sín best. Hvergi betur þó en í Manneskjusafninu, létt-Borgesískri fantasíu um töfra sköpunarinnar og hvers hún krefst af okkur.
Þorgeir Tryggvason